Este
foi o contido da reunión mantida no día de onte:
Dirección.-
Fai unha exposición sobre as bases polas cales se regularían os
ERES entre Abril 2016 – Marzo 2018:
O
ERE Extintivo para
un volume máximo de 400
traballadores/as:
PLAN
DE BAIXAS.-
Ao cal estarían enfocadas as posibles saídas voluntarias dos
compañeiros veteranos que a día de hoxe están inscritos na
Seguridade Social ao “Acordo
Colectivo sobre Plan de Xubilación Parcial e Xubilación Anticipada
(26 de Marzo de 2013)”. Coas
mesmas indemnizacións por idades que o que temos en vixencia hoxe en
día:
59
anos.- Máximo 3 anualidades S.A.B. 60 anos.- Máximo 2´50
anualidades S.A.B.;
61
anos.- Máximo 2 anualidades S.A.B. 62 anos.- Máximo 1
anualidade S.A.B.;
63
anos.- Máximo 0´66 anualidades S.A.B. 64 anos.- Máximo 0´50
anualidades S.A.B.
EXTINCIÓN
CONTRATO CON MOBILIDADE.-
Esta proposta estaría aberta a todo traballador/a (vista funda;
vista bata; vista garabata) que, VOLUNTARIAMENTE, quixera romper
definitivamente a relación co Centro. Está dirixida preferentemente
para persoal de menos de 50 anos. A indemnización sería 1
anualidade por cada 11 anos de antigüidade cun máximo de 2´5
anualidades (± 33 días por ano de antigüidade). E para o cálculo
do seu Salario Anual Bruto faríase en relación aos 12 meses
anteriores á súa Extinción.
EXTINCIÓN
CONTRATO CON DEREITO PREFERENTE DE REINGRESO AOS 30 MESES.-
Este tamén estaría aberto a todo traballador/a (vista funda; vista
bata; vista garabata) que, VOLUNTARIAMENTE, decidira romper a
relación co Centro nun tempo máximo de 30 meses. Dirixido tamén
preferentemente a persoal de menos de 50 anos. A indemnización sería
1 anualidade do S.A.B. e con dereito ao seu reingreso previa
solicitude cunha antelación mínima de 3 meses. Conservando as súas
condicións actuais (antigüidade,
modelo de contrato, categoría,...)
tal e como así recolle o Dereito Lexislativo.
O
ERE Temporal Suspensivo de Emprego e Soldo:
ERE
TEMPORAL SUSPENSIVO PARA AS LIÑAS PRODUTIVAS.-
No cal se solicitarían un total de 20
días para os dous anos de vixencia para
cos traballadores/as cun saldo de bolsa actual igual ou superior a
-10 días e que se faría efectivo unha vez, a nivel individual, se
esgotaran os días de Adecuación e o saldo de bolsa de horas. As
condicións serían iguais ao que hoxe en día está en vigor e as
indemnizacións tamén (da 1ª a 5ª xornada de ERE sen compensación,
da 6ª ao 20ª xornada a compensación sería ata o 80% do salario
bruto).
ERE
TEMPORAL SUSPENSIVO ROTATIVO PARA A ESTRUTURA.-
Faríase efectivo en
tanto non se reducira 158 postos en dito colectivo.
Este sería aplicable
para todo o Colectivo Mensual 758 efectivos. A
compensación
por
cada xornada de ERE sería a mesma que aos traballadores/as das Liñas
produtivas (da
1ª a 5ª xornada de ERE sen compensación, da 6ª ao 20ª xornada a
compensación sería ata o 80% do salario bruto).
Intervención
da C.I.G.:
Recoñecendo que, o ERE, non é a medida máis beneficiosa para os
traballadores e traballadoras, non debemos eludir a busca de
solucións alternativas á realidade actual. De aí que, os nosos
prantexamentos foron:
No
relativo ao ERE dirixido para os Veteranos das Liñas de Produción,
.-
Seguimos defendendo que se permita acollerse ao ERE que temos en
vigor a día de hoxe aos compañeiros veteranos de Taller.
.-
Incidimos do importante volume de traballadores/as con idades
comprendidas entre os 62 e 63 anos aos cales se lles deben mellorar
as compensacións económicas.
.-
Matizamos que, despois da voluntariedade, o seguinte principio de
prioridade para acceder a este ERE sexa a idade.
En
relación ás outras dúas modalidades de ERE Extintivo,
sendo novidade, e tendo en conta que sempre prevalecerá a decisión
de acollerse ou non ao traballador/a, incidimos
que se respecten as condicións expostas sen ningún tipo
condicionante.
En
relación ao ERE Temporal Suspensivo de Emprego e Soldo,
consideramos que, a
Dirección, ten que adquirir compromisos á hora de aplicar días de
ERE como serían, aplicalos de forma proporcional para con toda a
Estrutura Xerárquica e non única e exclusivamente para os/as
traballadores/as de Man de Obra Directa; Non poderán convivir con
xornadas de sábados nin prolongacións de xornadas; etc...
Neste
aspecto a Dirección conclúe esta reunión manifestando que:
.-
Colle
nota dos prantexamentos expostos en cada unha das Modalidades de ERE.
.-
No
relativo ao Plan de Baixas como ao ERE suspensivo de 20 días resalta
que, as condicións e medidas de acompañamento social, non serán
inferiores as que xa temos actualmente e que tamén aplicaría os
días de ERE Suspensivo á Estrutura Xerárquica.
.-
Matiza
que, con estas medidas, quedaría descartada a aplicación da
Cláusula de Variabilidade.
.-
Accede
a nosa petición, compartida tamén por outras Centrais Sindicais, de
habilitar a posibilidade de promover a saída de Veteranos de Taller
neste ERE que temos aberto.
Por
parte da Dirección fainos saber que, o vindeiro Venres 04 as 9:30,
celebrarase a seguinte Reunión na cal nos prantexará cales son os
compromisos que, ao seu entender, se deben adquirir para poder
abordar eses volumes significativos que se prevén para mediados 2018
en adiante.
Vigo,
03 de Marzo de 2016
Preme para ampliar ou descargar |
Preme para ampliar ou descargar |
CONFEDERACIÓN
INTERSINDICAL
GALEGA
0 comentarios:
Publicar un comentario