Viza, Copo e Aludec manteñen o seu pulso ás multinacionais nun sector dominado pola gran industria francesa e alemá.
Dous traballando e dez facendo que... pra sair na foto |
No ranking por facturación, que lidera o centro de Vigo de PSA Peugeot Citroën, a primeira firma de capital galego que figura é Viza Automoción (armaduras de asentos), de capital 100% autóctono, e que ocupa o posto número 10. Séguenlle Aludec (11), tamén de capital vigués e a única do tres catalogada como TIER 1 (provedor de primeiro nivel de elementos decorativos, compoñentes interiores e exteriores), e Copo Ibérica (14), participada ao 50% pola francesa Faurecia (recheos de espuma e outras solucións). No tres casos, as empresas teñen entre a súa competencia a grandes multinacionais da industria automobilística e pilotaron ambiciosos proxectos de internacionalización que as levou a países como Marrocos, República Checa, México, Portugal ou Francia.
Espanholas
Á marxe deste tres casos, no top 15 do sector só figuran outras dúas empresas de capital espanhol, Gestamp Vigo, da corporación vasca Gestamp, o maior fabricante de compoñentes espanhol, e Antolín PGA, do grupo burgalés Antolín, líder en compoñentes de interior. O resto de empresas, que son as que máis facturación xeran, teñen os seus centros de decisión fóra de Espanha, principalmente en Francia, Alemaña e Estados Unidos, o que confirma o carácter internacional desta industria. Encabeza o ranking a cabeza tractora do sector, PSA-Vigo, que a pesar de ter autonomía para algunhas decisións (e mesmo potestade sobre as fábricas de Madrid e Mangualde), segue dependendo das directrices que marque o grupo en París.
preme pra ampliar |
As empresas galegas si son maioría respecto das foráneas no segmento de provedores de terceiro nivel (TIER3) e sobre todo na industria auxiliar de servizos, onde existen numerosos exemplos de éxito e de internacionalización, mesmo na área de enxeñería. Así, destacan empresas galegas como Maviva-Alservi, Cablerías Auto, Autocromes, Demsu, Exla Plásticos, Gecoinsa, Precisgal, Hispamoldes, Izmar, Proa, Kaleido, Ledisson, Matrigalsa, Pirelo, Utingal, Valver ou Vigotec, entre moitas outras. A estas súmanse tamén o resto de filiais dos grupos galegos Copo (Copo Galicia, Cetec, etc.) ou Aludec.
O conxunto do sector facturara en 2014 uns 7.600 millóns de euros, cifra que un ano despois ascendeu a 8.200 millóns, segundo os datos do clúster (Ceaga).
fonte: http://www.farodevigo.es
0 comentarios:
Publicar un comentario