Citroën C4, o coche máis vendido no estado español en 2015

O modelo C4 de Citroën foi o coche máis vendido en España en 2015, cun volume comercial de 34.705 unidades, un 23,1% máis, seguido do Seat León, con 33.268 unidades, un 20,08% máis; do Seat Eivissa, con 31.376 unidades, un 13,84% máis; do Volkswagen Golf, con 29.212 unidades, un 25,59% máis, e do Renault Mégane, con 28.890 unidades, un 0,45% menos.

Liña de montaxe en Mulhouse

O ranking do dez modelos máis vendidos en 2015 complétano o Dacia Sandero, con 25.339 unidades, un 21,03% máis; o Volkswagen Polo, con 25.127 unidades, un 5,56% máis; o Nissan Qashqai, con 23.832 unidades, un 35,43% máis; o Renault Clio, con 23.019 unidades, un 11,21% máis, e o Opel Astra, con 20.748 unidades, un 29,71% máis.
A marca automobilística alemá Volkswagen pechou o pasado exercicio como líder do mercado español, con 88.300 unidades vendidas, a segunda praza por volume de vendas en 2015 foi para a española Seat, tamén do grupo Volkswagen, con 77.529 unidades, un 14,2% máis.

O 'top 5' de marcas en 2015 complétano Renault, que comercializou 77.087 unidades, un 18,5% máis, así como Opel, que entregou 76.470 unidades, un 14,6% máis, e Peugeot, con 76.314 unidades, un 22% máis.

O resto de firmas máis vendidas o ano pasado en España foron Ford, con 64.327 unidades, un 9,4% máis; Citroën, con 58.855 unidades, un 7,8% máis; Nissan, con 55.313 unidades, un 38,8% máis; Toyota, con 49.120 unidades, un 19,1% máis, e Dacia, con 45.241 unidades, un 24% máis.

Fonte: EFE

Partilla no Google Plus

- kirol

Sindicato de traballadoras/es Galegas na planta de PSA Peugeot - Citroën en Vigo. Recuperando o sentir obreiro.