PSA Vigo pecha 2015 con 407.000 vehículos e 19.300 coleccións CKD

O Centro de Vigo de PSA Peugeot Citroën comunicou que pechará 2015 coa produción de 407.000 vehículos e 19.300 coleccións CKD (vehículos despiezados), un 7% e un 3,5% máis, respectivamente, que en 2014. 

Os modelos Citroën Berlingo e Peugeot Partner son os que máis se produciron na planta en 2015(55% da produción), seguidos dos Citroën C4 Picasso (30%) e os Peugeot 301 e Citroën C-Elysée (15%). En canto á produción media diaria, esta situouse ao redor das 1.800 unidades. Pola súa banda, a produción de coleccións CKD ascende neste exercicio a 19.300 vehículos despiezados, un 3,5% máis que en 2014.

Segundo comunicaron fontes da planta, o 91% dos vehículos producidos no Centro de Vigo en 2015 exportáronse a 80 países de todo o mundo e o 9% restante foi destinado ao mercado español. En canto aos principais países europeos aos que se exportaron os modelos fabricados en Vigo destacaron Francia, Gran Bretaña, Irlanda, Alemaña, Bélxica, Holanda e Luxemburgo. Desde a planta tamén aseguran que outros destinos como Turquía e Alxeria continúan tomando forza.

Partilla no Google Plus

- kirol

Sindicato de traballadoras/es Galegas na planta de PSA Peugeot - Citroën en Vigo. Recuperando o sentir obreiro.